召集迪士尼與Pixar彼思鐵粉！🚀 YOHO MALL 限時「萌」友大集結🎁

14/04/2026

召集迪士尼與Pixar彼思鐵粉！🚀 YOHO MALL 限時「萌」友大集結🎁

Thank you so much for having us

圖片來源：Yoho mall

最齊、最萌嘅迪士尼與Pixar彼思經典角色已經喺 YOHO MALL 亮相啦！📍 小編率先幫大家去咗 Lifelike「角色聯『萌』期間限定店」，現場真係好似走入咗電影世界咁呀！😍由《反斗奇兵》、《怪獸大學》、《反斗車王》、《玩轉腦朋友》、《優獸大都會》及《熊抱青春記》一班經典角色全部到齊，快啲跟住小編嘅攻略出發啦！🏃‍♀️💨

沉浸式打卡點｜相機預備！

💛 歡樂擔當「樂樂」：入口位率先見到《玩轉腦朋友》阿樂嘅燦爛笑容，負能量即刻變 0！

🚀 三眼仔玩具盒：經典場景重現！見到三眼仔爬上玩具盒等「爪子」降臨，可愛到犯規

🌟 星光拱門：雲集《玩轉腦朋友》、《反斗奇兵》及《反斗車王》經典人氣角色，隨手一影都係電影感

4 大系列精品攻略｜超過 500 款點樣揀？

✨ 珍藏擔當：鐵粉必入嘅電影角色聯萌盲盒立牌、珍藏明信片同襟章，全部都係精緻到想成套搬返屋企😍！

🎯 驚喜擔當：盲盒迷小編已淪陷! 近期超Hit嘅 Hot Toys Pixar氣球派對 Cosbi 盲盒、KYUBI 出品嘅《反斗奇兵》30 周年金屬掛飾，仲有《玩轉腦朋友》繽紛心情盲盒手錶等，小編作爲盲盒迷真係行唔到出嚟，因爲現場開箱嘅刺激感真係會上癮㗎🎁！

🧒🏻 親子擔當：兒童節送禮首選！小朋友見到實尖叫嘅 Tomica 特色小車專區、日本直送《優獸大都會 2》文具，仲有超打卡-able 嘅《熊抱青春記》環保袋，帶返學包保成為焦點🎒！

🐶 萌寵擔當：估唔到呢度連毛孩都照顧埋！多款人氣角色寵物用品，帶主子出街散步都型過人🐾！

🆕50款全新主題新品搶先發售｜粉絲必搶！

由Pixar襟章收藏套裝，到《反斗奇兵》毛毯、變身杯等生活好物，仲有萌爆嘅Pixar寵物專屬用品系列，小編睇完已經忍唔住放咗幾件入購物籃！無論居家定外出，有佢哋陪住，生活即刻開心晒～

仲有！小編收到風，而家去掃貨仲有優惠添！1️⃣購物滿 $380 即送會場限主題購物袋（送完即止）2️⃣購物滿 $238 即送《玩轉腦朋友》立體公仔匙扣（隨機派送，送完即止）！梗係要把握機會嚟入手啦！